Utstilling med lokale kunstnarar
Endeleg blir det medlemsutstilling i Ulstein kunstlag!
Ulstein kunstlag ønsker å gje medlemmane moglegheit til å stille ut eigen kunst og inviterer med dette deg som er kunstnar og medlem, til å stille ut på juleutstilling i år. Utstillinga opnar torsdag 18. november og står til laurdag 27. november. Dette blir ei salsutstilling, og kunsten må vere laga frå 2015 og fram til i dag. Om du enno ikkje er medlem, kan du melde deg inn her BLI MEDLEM
For å stille ut, kan du enkelt fylle ut dette skjemaet innan 20. oktober, så tek vi kontakt. Vi ønsker å vise breidde og nye sider av kunst her lokalt og er derfor opne for mange ulike former for visuell kunst – målarkunst, teikning, grafikk, tekstil, foto, skulptur etc. Styret i kunstlaget vil står for ei eventuell utveljing, og innhaldet på utstillinga vil vere klart til 1. november.
Vi ser fram til å høyre frå deg!