Separatustilling « LYSSPEKTER» i Ulsteinvik
Amfisenter 2. etg.
Opnar torsdag 4. mars kl. 17.00–19.00, og varar til laurdag 20. mars 2021.
NB! Pga smittevern vil det ikkje vere ei offisiell opning men kunstnaren vil vere til stades opningsdagen.
Roy Andreas Dahl er født og oppvaksen i Langevåg utanfor Ålesund. Han har utdanning i tegning, form og farge frå Borgund yrkesskule, Westerdahl Grafiske design og studier hos malaren og skulptøren Tore Bjørn Kjølsvik. Han har ei lang karriere med utstillingar bak seg, den første i 1989 i Ålesund. Sidan då har det vore utallige og han har både Berlin og New York på merittlista over seperatutstillingar. Det røffe klimaet og dei raske verskifta langs kysten har vore stor inspirasjon for kunstnaren. Motiva spenner frå bylandskap og menneskeskildringar til meir tradisjonelle landskap frå Sunnmørsnaturen.
Stilmessig er det nær det minimalistiske; unødvendige detaljar er kutta ut, og resultatet er maleri der penselstrøka manar fram stemningar og halvt skjulte element. Dei endar opp med å verte poetiske skildringar av kvardagslege augneblikk.
Kunstnaren malar mykje i akryl. Han har den siste tida også starta med digitale arbeid. I den digitale grafikken ser vi Dahl sine karakteristiske strøk, som får ei ny virkning i eit nytt medium. Her eksperimenterer og utvikler han med både fargar og motiv. Tittel på utstillinga «Lysspekter» viser til fargane som kjem om våren og viser håp, i ei tid vi treng det.
«Mitt ønske er å oppnå en kommunikasjon med mitt publikum. Dette er kunstens vesentlige mål.»
- Roy Andreas Dahl -
Utstillinga er elles open:
Torsdag 11. og 18. mars kl. 15.00–19.00
Fredag 5., 12. og 19. mars kl. 14.00–17.00
Laurdag 6., 13. og 20. mars kl. 11.00–16.00
